رمضان عبد الرازق: عدم إنفاق الأب على أولاده أكبر ذنب بعد الشرك بالله
قال الشيخ رمضان عبد الرازق، إن أكبر ذنب ممكن أن يرتكبه الإنسان هو أن يمتنع عن الإنفاق على أبنائه والاعتناء بهم.
تابع "عبد الرازق" خلال لقائه مع الإعلامية لمياء فهمي في برنامج "الدنيا بخير" المذاع عبر شاشة الحياة: "أكبر ذنب ممكن يعمله الإنسان انه يخلف ويجري ومايصرفش على عياله، لو معاه فلوس وقادر يصرف عليهم.. يبقى ده أكبر ذنب ممكن يعمله بعد الإشراك بالله، حتى لو في طلاق عمر العلاقة بين الأب وأبنائه ما هتنقطع وده واجبه".
أضاف: "اللي يهون عليه ضناه ويهينه ده إنسان مش طبيعي، واللي يهين زوجة وست ده إنسان مش طبيعي".
فيما صرح الشيخ رمضان عبد الرازق سابقا خلال لقائه مع الإعلامية لمياء فهمي في برنامج "الدنيا بخير": "الراجل اللي ميعلقش على لبس مراته ومكياجها، أنا مطمنش له.. يبقى عنده أزمة في رجولته.. لأ بص على زوجتك وبنتك وهي خارجة، أنت ولي الأمر.. ولأ يبقى لأ وتفرح أنه بيقول لأ لأنه راجل وأنتي ست".