عبير صبري: كان نفسي يكون عندي طفل
قالت الفنانة عبير صبري إنها كانت ترغب في إنجاب طفل، ولكن ذلك لم يحدث. مؤكدة على أنها راضية بما كتبه الله.
ذكرت "صبري" خلال حلولها ضيفة على برنامج "نجوم إف إم"، مساء الخميس، المذاع عبر إذاعة "نجوم إف إم" مع إنجي علي: "أكيد كنت أحب يكون عندي طفل، بس محصلش خلاص، فده يبقى الخير ليا الحمد لله، وسعيدة بالقضاء والقدر واللي ربنا كتبه. بس ممكن تجيبي طفل تشقيه وتربيه وتعلميه وحش ويعيش أحداث وحشة".
تابعت: "أنا لو عندي طفل النهارده وعنده سوشيال ميديا وتطبيقات وألعاب واتصال بعالم خارجي غامض وشرير مش مفهوم، لأ محبش يبقى عندي، لأني مش هعرف أحمي الولد ده".
أوضحت أن الغرض من أي نعمة يمنحها لك الله، هي حمايتها وصيانتها. مردفة: "يعني مش إحنا نخلف ونروح نجيب عيال، هي سنة الحياة.. بس كل حاجة بتاخديها ربنا بيختبرك فيها، فأنا لو عندي عيل لازم أربيه كويس وأطلعه كويس وأطلع بني آدم في الدنيا كويس، فلو أنا مش هعرف أسيطر على ده، فمقدرش أتحمل طفل بيعمل حاجات معرفش هو بيعمل إيه، فأنا هحمي الطفل ده ازاي؟".
أشارت إلى أن الفترات المقبلة سيكون بها جرائم وحوادث سرقة ومصائب، يشترك بها الناس بإرادتهم أو بغير إرادتهم بسبب التكنولوجيا.