رد حسن شاكوش على اعتذار رضوى الشربيني
رد مغني المهرجانات حسن شاكوش، على اعتذار الإعلامية رضوى الشربيني له، بعد ما حدث بسبب مشاكله مع طليقته ريم طارق.
نشر "شاكوش" فيديو لرضوى عبر حسابه الرسمي على موقع "إنستجرام" معلقا عليه: "أنا على المستوى الشخصي بحبك، ومش زعلان منك، وأنا مصدرش مني إني اتكلمت عنها أو جرحت فيها ومردتش على أي تجريح أو تشويه لسمعتي، وياريت محدش يحكم على حاجة سمعها من طرف واحد".
وكانت قد اعتذرت الإعلامية رضوى الشربيني لحسن شاكوش بعد هجومها عليه بسبب مشاكله مع زوجته السابقة وعدم حصولها على حقوقها.
قالت "الشربيني" خلال حلقة أمس من برنامج "هي وبس": "أنا بعتذر لحسن شاكوش على الهواء.. إحنا كنا متعاطفين مع الست اللي اتطلقت واترمت بره البيت وبتترجى الحكاية تخلص بشياكة واحترام".
أكملت: "بقول لكل ست لو عندك شك إن الراجل اللي متجوزاه أو اتطلقتي منه محترم أو مش محترم متتكلميش ومتطلعيش شات بينكم ومتعمليلناش فيلم، وكان ممكن تاخدي حقوقك الشرعية من غير ما نشهر ببعض".