شاهد.. سبب بكاء شمس على الهواء
كشفت الفنانة شمس، سبب ابتعادها عن التمثيل خلال السنوات الأخيرة الماضية، وعدم مشاركتها في الكثير من الأعمال السينمائية أو الدرامية.
قالت "شمس" خلال لقائها مع الإعلامية مروة صبري في برنامج "قعدة ستات"، المذاع على شاشة "القاهرة اليوم": "كنت بشتغل مع كبار المخرجين اللي في الوسط ومتربية على ايديهم وهما دلوقتي تلت تربعهم مش موجودين على الساحة أصلا والأدوار اللي بتجيلي ممكن تكون كبيرة بس مش بحجم الأدوار اللي كنت باخدها زمان، بس بتشدني".
تابعت: "وفي نفس الوقت انا مريت بظروف كتير خلتني معنديش طاقة غير لما تكون حاجة حباها اوي حاجة تهزني، أو حاجة مع مخرج انا اشتغلت معاه وعارفة هو هيعرف يطلع من شمس ايه، غير إني اتعرضت للنصب كتير جدا واشتغلت مع ناس مش فاهمة وحاولت أعمل زي ما الناس بتقولي ارجعي وانتشري فاكدب عليكم لو قولت محاولتش".
واستكملت شمس: جتلي حالة من الزهق والقرف لأني اتربيت على إيد حسين كمال وجلال الشرقاوي وإيناس الدغيدي ويسرا ويحيى الفخراني، مفيش مخرج كبير مشتغلتش معاه ومفيش ممثل مشتغلتش معاه، فمتعودتش على الأسلوب اللي احنا ماشيين بيه دلوقتي".
كما دخلت شمس في نوبة بكاء على الهواء، وروت تفاصيل وفاة عائلتها، قائلة: "موت اخواتي خلاني اتكسرت، العمود الفقري بيكون فقرات فأنا أول فقرة اتكسرت كان موت ماما، الاخوات سند خصوصا لما يبقى الفرق أربع شهور أو صغير، الفقد عموما صعب لما تفقدي الكلب أو القطة بتاعتك قلبك بيوجعك، بس هما كلهم يوجعوا القلب".
برنامج "قعدة ستات" تقدمه الإعلامية مروة صبري على شاشة "القاهرة اليوم" يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.