رمضان عبد الرازق: أعظم ما يعلمه الأباء لأولادهم التقوى
قال الشيخ رمضان عبد الرازق، إن أعظم ما قد يعلمه الآباء لأولادهم هو تقوى الله سبحانه وتعالى، مشيرا إلى أن الاستثمار في الأولاد يبدأ من اختيار أم صالحة لهم.
تابع "عبد الرازق" خلال لقائه مع الإعلامية لمياء فهمي عبد الحميد في برنامج "الدنيا بخير"، المذاع عبر شاشة الحياة: "من وجهة نظري أعظم استثمار في الأولاد يبدأ من نية اختيار زوجة لتكون أم لهم، كمان لما أهتم بأولادي أهظم شيء إني أبعدهم عن معصية الله سبحانه وتعالى".
أضاف: "أعظم شيء تسيبه لولادك تقوى الله سبحانه وتعالى والاحترام والأدب، لأن الابن محتاج مني تربية جسمانية وعقلية ونفسية وروحية وقلبية".
أردف: "الأهل مسئولين عن صحة أولادهم وأي عادات خاطئة قد يرتكبوها سواء جسمانية أو عقلية، حتى الطعام لأنه يؤثر على مزاجهم.. ده ممكن أكلة تعكنن على مزاجهم".
في سياق منفصل، قال الشيخ رمضان عبد الرازق، إن أكبر ذنب ممكن أن يرتكبه الإنسان هو أن يمتنع عن الإنفاق على أبنائه والاعتناء بهم.
تابع "عبد الرازق" خلال لقائه مع الإعلامية لمياء فهمي في برنامج "الدنيا بخير" المذاع عبر شاشة الحياة: "أكبر ذنب ممكن يعمله الإنسان انه يخلف ويجري ومايصرفش على عياله، لو معاه فلوس وقادر يصرف عليهم.. يبقى ده أكبر ذنب ممكن يعمله بعد الإشراك بالله، حتى لو في طلاق عمر العلاقة بين الأب وأبنائه ما هتنقطع وده واجبه".
أضاف: "اللي يهون عليه ضناه ويهينه ده إنسان مش طبيعي، واللي يهين زوجة وست ده إنسان مش طبيعي".