إيمي طلعت زكريا: بابا كان رافض دخولي الفن
تحدثت الفنانة إيمي طلعت زكريا، عن بداياتها الفنية، مشيرة إلى أن والدها كان يرفض دخولها المجال الفني.
قالت "إيمي" خلال لقائها ببرنامج "عيش صباحك"، على نجوم إف إم، مع الإعلامي يوسف التهامي، والإعلامية فانا إمام، إن أبناء الفنانين يكون عليهم ضغط كبير، موضحة: "أولاد الفنانين غير إن بيكون عليهم العين، الناس غصب عنها بتفضل تقارن بين إن طلعت زكريا مثلا كان تلقائي وبنته مش طالعة زيه فهتبقي فيه مقارنة ظالمة وده بيحط علينا ضغط كبير".
أما عن رأي والدها في دخولها للوسط الفني فقالت إنه كان شرقيا ولم يرحب بفكرة دخولها المجال في البداية، مكملة: "بابا كان شرقي جدا وحازم أوي، ولو عليه كان عايزني أتجوز وأقعد في البيت، لأنه شايف مصاعب التمثيل خصوصا للبنات، وشايف إنه مجهود وفيه سهر وتأخير بليل في الشغل مكنش حابب ده".
وعن بدايتها الفنية فقالت: "في البداية أنا فضلت أزن على بابا لغاية ما جربني في حاجة ولقى يجي مني ولكن وقفت الموضوع لغاية ما خلصت دراستي ولما لقاني مصممة بدأت في مسرحية (ترا لم لم) مع سمير غانم 2011 وكنت مكان إيمي سمير غانم لأنها كانت اعتذرت وبعدها جالي الزوجة الرابعة وبدأت الحكاية".