قبل عرضها.. أبطال مسرحية "سيد درويش" يشتكون من الإهمال
اشتكى أبطال العرض المسرحي "سيد درويش"، من وجود إهمال بمسرح البالون، وذلك قبل عرضه اليوم بمناسبة ذكرى وفاته.
نشرت الفنانة رشا سامي فيديو لها مع الفنان ميدو عادل من كواليس العرض عبر حسابها على موقع التواصل الاجتماعي "فيسبوك" وتقول بالفيديو: "إحنا عندنا عرض المفروض نفتح بكرة على خشبة مسرح البالون، عرض (سيد درويش)، ومفيش أي حد من الإدارة في المسرح، ومفيش عُمّال، كل اللي واقفين هنا دول فنانين مش عمال ومش إدارة مسرح، نجم العرض ميدو عادل بيفك بإيديه وبينزل الخشب بإيديه عشان يدور على الدعاية بتاعتنا اللي المفروض تتعلق".
أشارت إلى أن الفنان ميدو عادل هو من يقوم بفك كل بانرات العرض لأنه لا يوجد أي شخص من المسرح يساعدهم في ذلك، موضحة أنهم قاموا بذلك في الوقت الذي كان من المفترض أن يقوموا بعمل بروفات على مشاهدهم تمهيدا للعرض مساء اليوم أمام وزيرة الثقافة الدكتورة نيفين الكيلاني.
أكملت: "طبعا مفيش إضاءة هنا أصلا مش منورين لنا نور في المسرح إحنا شغالين على كشافات الموبايل أنا بعمل الفيديو ده لأن إحنا عانينا أوي بقالنا كتير جدا عشان بس نعمل فن".
اختتمت "رشا" الفيديو مؤكدة على أن ما حدث جزء صغير مما كانوا يواجهوه ويعانوا منه طوال فترة عرض المسرحية منذ 4 سنوات، مكملة: "بكرة ذكرى وفاة سيد درويش ووزيرة الثقافة جاية تحضر العرض مع شخصيات مهمة جدا، الفيديو ده عشان اللي بيشوفنا على المسرح وبيقول دول فنانين ومعندهمش أي مشاكل في الحياة، لا إحنا موظفين في البلد وبنعمل كل ده بإيدينا".