تامر هجرس: صلاة الفجر بتنضف الروح
قال الفنان تامر هجرس، أنه كان يتمنى أن يصبح ضابط شرطة في صغره، ولكنه اتجه إلى التمثيل، موضحا أنه يستيقظ لصلاة الفجر دائما لأنه يشعر أنها تنقي الروح.
أضاف "هجرس" خلال لقائه في برنامج "وشوشة" المذاع عبر شاشة "النهار": "أنا بصحى الفجر دايما، البني آدم لازم يكون له صلة بربنا، بحس في صلاة الفجر إني روحي بتنضف، كل يوم مشاكل وخناقات كتير فتيجي الفجر كل حاجة بتتغسل، ويومك بيبقى جميل، أنا بسميه مديتيشن وده بيبقى قرآن وعبادة، وبعد كده بررح ألعب رياضة".
أشار: "كان نفسي أبقى ظابط، من الأفلام اللي بتفرج عليعا كنت بقول أنا هبقى ظابط، ولما كنت بلعب مع صحابي وإحنا صغيرين كنت ببقى أنا الظابط ودايما كنت بختار اسم مختار.. وعملت مسرحية في المدرسة عملت ضجة كبيرة، فحسيت إني بحب ده وركزت فيه".
في نفس السياق تحدث "هجرس عن رغبته في تقديم عمل تاريخي، موضحا: "عايز أعمل دور تاريخي حاجة قوية وعميقة بس تتعمل صح وتعبر عن تاريخنا كعرب، مش لازم تبقى حاجة إسلامية بس تبقى تاريخ عربي مهم أوي، حاجة تاريخية لينا، زي فيلم (الرسالة)".
يشار إلى أن آخر أعمال تامر هجرس فيلم “شوجر دادي” من بطولة ليلى علوي، بيومي فؤاد، وحمدي الميرغني، ويشاركهم البطولة، محمد محمود، مصطفى غريب، مي الغيطي، جوهرة، وفرح الزاهد، تأليف لؤي السيد، وإنتاج نيوسينشري، وإخراج محمود كريم، وشارك في إنتاجه شركات أفلام مصر العالمية، سينرجي، ماجيك بينز، وفيلم سكوير.
تدور أحداث الفيلم في إطار كوميدي حول رجل يمر بأزمة منتصف العمر، ويعيش حالة مراهقة متأخرة، الأمر الذي يقوده إلى إقامة علاقة سرية مع راقصة، فتنقلب حياته وحياة أسرته رأسا على عقب.