داليا شوقي عن الانتقادات: الكلام جرحني

علقت الفنانة داليا شوقي على الانتقادات التي تعرضت لها، بسبب أحد مشاهدها في مسلسل "سفاح الجيزة"، والذي رأي البعض أن انفعالاتها كان مبالغا فيها.

قالت "شوقي خلال لقائها مع "ET بالعربي": "الهجوم كان غريب وحاسة أنه متسلط، لأن كان في تنمر، أنا بني آدمه وأكيد في كلام جرحني، أتمنى اللي يقول نقد ميبقاش جارح، ويبقى مهني وآدمي ومع ذلك كل اللي شوفناه مش نقد ده هجوم".

من جانبها دافعت الفنانة بسنت شوقي عن شقيقتها قائلة: "زي ما كان في نقد لاذع جدا كان في نقد بناء وكان في كلام حلو جدا، أنا رأي أن المشهد كان معمول حلو جدا، مش عشان أختها أنا برج القوس وبنقد نفسي والقريبين مني قبل الغرب، في الآخر لو المشهد معجبش ناس الفن أذواق، وأنا شايفة أن حصلت موجة غير مبررة".

أيضا دافع الفنان محمد فراج عن داليا شوقي قائلا: "مفيش حد من اللي أتكلم بيفهم في الشغلانة، كلهم من برا الشغلانة، وأكونتات وهمية، تحس أنهم ناس واخدة فلوس، وإلقاء تهم وطوب، الناس دي هتفضل تتكلم ليوم الدين، المهم أن القافلة تسير".

في نفس السياق قال الفنان محمد عبد العظيم أن داليا شوقي قدمت الشخصية بشكل جيد، موضحا: "أنا مبحبش التجريح، والبنت عاملة الدور بشكل حلو، لو مشهد زاد منها في حاجة ميجبش الدبح رفقا، قول رأيك من غير ما تجرح، إحنا كنا شباب صغيرين ومحتاجين حد يدعمنا مش يهدنا".