طلب مصروف من زوجته.. تعليق رضوى الشربيني على مشكلة متابعة

أجابت الإعلامية رضوى الشربيني، على سؤال إحدى المتابعات لبرنامجها الذي يقول: "جوزي عمل مشروع من فلوسي وفشل ومبيدورش على شغل وأنا اللي بصرف على البيت وعايزني أسيبله مصروفه، أعمل إيه؟".

قالت "الشربيني" خلال برنامجها "هي وبس" عبر شاشة "cbc سفرة" إنها يجب أن تعامله كما يحب وتترك له المساحة التي اختارها، مشيرة إلى أنه اختار أن يتخلى عن دوره كرجل وأب لأبنائها مكملة: "رجالة آخر زمن، وبما إنه قرر يضحي بدوره كراجل إقبلي، وسيبيله مصروفه، وضايقيه، وقوليله يغسل المواعين ويغير للعيال، وسيبيله مصروفه كل يوم وإرجعي من الشغل زعقي وقولي مش عايزة أسمع صوت".

أردفت: "وإنزلي بعد الضهر مع صحابك، طالما هو قرر ميشتغلش ويتنازل عن دوره كراجل إقبلي ده وضايقيه ويبعتلك رسايل إنتي مشغولة وفي إجتماع زي ما هو مكدرك وبيخليكي تشتغلي وخد فلوسك وفشلت ومش عايز يشتغل وقاعد بقاله سنة في البيت خلاص".