مطربة سفاح الجيزة.."الوايلي" يحذر من التعاون مع سمر طارق
حذر الموزع الموسيقي كريم جابر الشهير باسم "الوايلي"، من التعاون مع المطربة سمر طارق، صاحبة أغنية "عتمة"، الأغنية الرسمية لمسلسل "سفاح الجيزة".
كتب "الوايلي" عبر حسابه على "فيسبوك": "مساء الفل.. مبسوط ان سفاح الجيزة خلص وكنت مستني اللحظة دي عشان أقول حاجة مهمة، دي آخر مرة فى حياتى هتعامل فيها مع سمر طارق لأسباب كتيرة جدا، أولهم عدم الاحترافية والمهنية وثانيهم محاولاتها في إنكار أي دور ليا في أي حاجة لدرجة توصل انها بتكدب كدب صريح فى الانترفيوز لمجرد انها تدي كريدت لنفسها على حاجة معملتهاش".
أضاف: "أنا وأنا بكتب دلوقتي حسيت ان كمية المواقف اللي مش لطيفة اللي هى كانت السبب فيها أو الادارة بتاعتها السبب فيها على مدار السنة اللي فاتت كلها سواء في تراك (لو) بتاع (الهرشة السابعة) أو (عتمة) كتيرة اصلا على أني أشرحها أو أتكلم عنها".
أردف: "هكتفى بأنى أحذر صحابى البروديوسرز منها وخلاص، وبجد بتمنى الظروف متستدعيش أقعد أحكى كل موقف حصل فيه ايه عشان مش دا اللي حابب أكون بضيع وقتى فيه الفترة الجاية".
يشار إلى أن سمر طارق تعاونت مع الوايلي في أغنيتين، هما "عتمة" في مسلسل "سفاح الجيزة" من بطولة أحمد فهمي، ركين سعد، باسم سمرة، صلاح عبدالله، هايدي خالد حنان يوسف، ﺗﺄﻟﻴﻒ: محمد صلاح العزب وعماد مطر، ﺇﺧﺮاﺝ هادي الباجوري.
وأغنية "لو" في مسلسل "الهرشة السابعة"، من بطولة أمينة خليل، محمد شاهين، علي قاسم، أسماء جلال، عايدة رياض، حنان سليمان، محمد محمود، عماد رشاد، وآخرين، من تأليف ورشة سرد بإشراف مريم نعوم، ومن إخرج كريم الشناوي، والذي تم عرضه في موسم رمضان 2023.