فادي خفاجة عن فيديو الألفاظ الخارجة: أنا في ضعف وانهيار
عبر الفنان فادي خفاجة عن أسفه الشديد لما بدر منه في الفيديو الذي انتشر له مؤخرا وهو يتحدث فيه بانفعال بسبب قلة أعماله الفنية، وأنه يتواجد على تطبيق "تيك توك" من أجل الحصول على المال.
قال "خفاجة" خلال لقائه مع الإعلامي تامر أمين في برنامج "آخر النهار" المُذاع على قناة "النهار": "مش قادر أقول أي حاجة غير إني كنت في لحظة ضعف، أنا إنسان قبل ما أكون فنان، لو رجع بيا الوقت معملش دا تاني، وأنا مش عارف أنا عملته إزاي، من الضغوطات من حالة يأس من حالة سعي كبيرة أوي موصلتش بيها لحاجة".
تابع: "طول الوقت الناس بتكلمني في الشارع أنت فين إحنا بنحبك إحنا متربيين على ونيس، لا حصلت فنان ولا إنسان طبيعي أنا بتسأل السؤال في اليوم الواحد ألف مرة، وأنا معنديش إجابات".
كما عبر عن سعادته الكبرى بالعمل مع كبار الممثلين مثل محمد صبحي ويحيى الفخراني وعاطف الطيب وغيرهم، وإشادتهم به مما جعله يثق بنفسه وبموهبته وكان الحافز له للدراسة بمعهد السينما والتخرج بتقدير جيد.
أشار: "كل اللي عملته ده فين، لما ربنا بيريد إني أتواجد في مسلسل زي (الاختيار) وظهرت في دور ضيف شرف وكان شرف كبير أوي ليا، واستنيت بعده أن ربنا يفتحها في وشي بشكل أكبر، بعد كل ده مبشتغلش ليه مفيش، المشكلة فين؟ اتحدى مثلا أي مخرج يقول فادي مبيجيش في معاده، أو منتج ناقشته في الأجر".
أشار إلى أنه سعى كثيرا وتواصل مع العديد من المخرجين ولكن دون جدوى وسط الآلاف الذين يتواصلون معهم ويبحثون عن عمل أيضاً، مضيفا: "بروح أقابل المخرجين حتى من غير ما تستدعيني، بيتقال لنا دلوقتي لازم تبعت على الميل وتاخد معاد عشان تقابل المخرج".
أردف: "أعز الزملاء وأعز الجيل ومواهب أكبر مني في جيلي، كلنا بنكلم بعض بليل متجننين، أنا جاتلي رسايل من قدام الكعبة ناس ما أعرفهاش بتدعيلي بالإسم في فيديوهات وبتبعتهالي، لو رجع بيا الزمن مش هقدم الفيديو ده تاني، وده مكنش ينفع أني أعمله، اللي أنا عملته غلط، بس أنا بطلب الناس ماتبصش لي كفنان بصوا لي كإنسان، أنا في ضعف في انهيار".