أحمد العوضي يكشف تفاصيل شخصيته في فيلم "الإسكندراني"

كشف الفنان أحمد العوضي عن تفاصيل شخصيته التي يقدمها في فيلم "الإسكندراني"، موضحا أنه يقدم دور شخص من مدينة الإسكندرية لأول مرة، لافتا إلى أن الفيلم به العديد من مشاهد الأكشن الممتعة.

أضاف "العوضي" خلال لقائه مع "et بالعربي": "شخصية إسكندراني، مختلفة أول مرة أعملها، وأنا طالع من شخصية صعيدي، والقصة والصراعات اللي فيها حلوة، فيلم حقيقي فيه أكشن ودراما، مشاهد الأكشن فيه كتير، كل حاجة ممكن تحب تشوفها في فيلم".

أما عن التعاون مع أبطال العمل قال "العوضي": "مبسوط إني شغال مع كل النجوم زمايلي في الفيلم، سواء زينة أو بيومي فؤاد أو حسين فهميكل نجوم الفيلم سعيد إني بشتغل معاهم".

من جانبها أوضحت الفنانة زينة تفاصيل شخصيتها في الفيلم قائلة: "قمر بنت إسكندرانية جدعة، بتاعت حق أوي، بتقف دايما جنب الناس المظلومة بتعيش حياة ظالمة بس بتكافح وبتعيش زي ما أي ست مصرية بتعمل".

في نفس السياق، تحدث خالد يوسف عن شراء حقوق إنتاج فيلم "الإسكندراني"، لافتا: "حسبت نفسي في هذا الظرف إني واحد من المحظوظين أنه تحقق حلمي بإني أشتغل فيلم من كتابة أسامة أنور عكاشة".

كما كشفت يوسف عن الموسيقى التصويرية التي سبستخدمها في الفيلم موضحا: "مش جايب موسيقار يألف مزيكا للفيلم لكن واخد كل الأغاني اللي اتقالت على إسكندرية االي عالقة في وجداننا زي أغنية فيروز، أنا واخد كل التيمات اللي اتقالت على إسكندرية ومحولها لتيمات موسيقية".

وعن اختياره للفنان أحمد العوضي ليكون بطلا للفيلم قال: "أحمد نجم وممثل هايل جدير أنه ياخد بطولات سينمائية منفردة ويتقدم بطل سينمائي".

في سياق آخر كشف "العوضي" عن سبب تأجيل فيلم "البلدوزر"، موضحا: "فيلم "البلدوزر" قائم، لكن مع ارتفاع سعر العملة وكل الفيلم بيتصور في لاس فيجاس الموضوع إنتاجيا بقى مكلف فتأجل شوية، وبعدين دخلنا تصوير أعمال تانية فالموضوع اتأجل، بعد كده الدولار رفع فالموضوع اتأجل، لكن الفيلم قائم، والسيناريو بتاعه خلصان".