مروان يونس: شقيقي التوأم سبب دخولي السوشيال ميديا

كشف الفنان والمذيع مروان يونس، قصة دخوله السوشيال ميديا وتقديم فيديوهات للجمهور على الرغم من أنه كان رافضا للفكرة في البداية.

وقال مروان يونس ببرنامج سبوت لايت تقديم الإعلامية شيرين سليمان والمذاع على قناة صدى البلد، إن شقيقه التوأم عمرو هو السبب في دخوله السوشيال ميديا وتقديم فيديوهات.

وتابع مروان: «أخويا هو اللي كان مهتم بالسوشيال ميديا، وأنا مكنتش بحبها وكنت بقوله يا عمرو أنا مش بتاع الحاجات دي وهو كان عنده ثقة في نفسه، وفي مرة عملنا فيديو مع بعض ولقيته عجب الناس وقررت أعمل فيديو معاه لما روحنا نزور والدتي».

وحول سبب عدم تقديمه فيديوهات كثيرة عن الساحل سوى فيديو واحد فقط، أضاف: «معملتش فيديوهات كتيرة عن الساحل السنادي عشان محستش نفسي اني هقدم حاجة جديدة».

على صعيد آخر، تحدث مروان يونس عن تفاصيل فيلمه السينمائي الجديد "دراكو رع"، الذي يجمعه مع الفنان كريم أبو زيد وخالد منصور وشادي ألفونس، موضحاً انتهى من تصوير جميع مشاهده بفيلم دراكو رع، مشيرا إلى أن فريق العمل يتبقى له يومين فقط للانتهاء من تصويره بشكل نهائي.

وتابع مروان يونس، أنه يجسد شخصيتين بالفيلم، موضحا: «دراكو رع فيلم غريب ومختلف جدا، وبتضحك من كتر ما هو بيحاول يبقى جد، وقصته عبثية جدا، لدرجة كل المواقف بتضحك».

وأضاف أنه بذل مجهود كبير في تصوير دوره بالفيلم، مؤكدا: «أنا تعبت أوي في الدور، وأكتر حاجة كانت تعباني بالفيلم مشاهد الضرب اللي كنت بتعرض ليها وأنا مش بتاع أكشن، والفيلم معتمد على جرافيكس».

واختتم مروان يونس حديثه عن الفيلم، قائلا: «الكواليس بتضحك جدا، وأنا وخالد منصور وألفونس ما بنعرفش نتكلم جملة جد».