شريف منير يعلن انفصاله عن زوجته لورا
أعلن الفنان شريف منير انفصاله رسميا عن زوجته الفنانة لورا، متمنيا لها الخير في حياتها.
كتب "منير" عبر حسابه على "إنستجرام": "تم الطلاق بيني وبين السيدة لورا.. كل شيء قسمة ونصيب وأتمنى لها كل خير".
وكانت الفنانة لورا، زوجة الفنان شريف منير، وجهت خلال الصيف الماضي 2022، رسالة قاسية لابنتيها "فريدة وكاميليا" من زوجها شريف منير، عبر حسابها بموقع "إنستجرام".
وعلقت: "رسالة إلى بناتي (فريدة وكاميليا).. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!".
أضافت: "بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي".
فيما ردت ابنتها فريدة على تصريحاتها، قائلة: "ليه بتعملي كده؟ ليه بتخلي شكلنا كده قدام الناس؟، لتجيبها والدتها: إنتوا بتموتوني كل يوم، وأنتِ عارفة كده كويس.. صحيح الزن على الودان أمر من السحر".