ليه حرام الخاطب يلمس إيد خطيبته؟.. مصطفى حسني يجيب
ورد سؤال للداعية الإسلامي مصطفى حسني، من أحد المتابعين يقول فيه صاحبه: "ليه حرام الراجل اللي خاطب يلمس إيد خطيبته؟".
أجاب "حسني" عبر فيديو نشره عبر حسابه الرسمي على موقع تبادل الصور والفيديوهات "إنستجرام": "إحنا عندنا أجسادنا جزء من أملاك ربنا، لأن ربنا بيملك كل شيء.. فتخيل لما ربنا يقولك نصيحة؛ وربنا قال إحنا بنلمس بعض كرجالة وستات لما نكون حاجة من الاتنين؛ محارم(أمي، أختي، خالتي) أو لما نكون متجوزين".
أضاف: "أما الخاطب والمخطوبة هما لسه أجانب عن بعض ممكن يفسخوا الخطوبة وميكملوش، فأجسادنا اللي ملك ربنا قال ما تتلامسش إلا بعد كتب الكتاب وما بعده، فإحنا مبنعملش كده عشان الله قال لينا كده".
في سياق آخر، أجاب "حسني" عبر حسابه على "إنستجرام"، على سؤال أحد المتابعين، يقول صاحبه: "مش راضي عن أي حاجة في حياتي.. ده معناه إن ربنا مش راضي عني؟"، مؤكدا أن عدم الرضا بالأشياء والرغبة في تحقيق الأفضل لا يفسر كعدم رضا عن عطاء الله، وإنما هو يمثل طموح مستمر لتحقيق الأفضل.
أوضح: "ممكن تكون راضي بس مش مكتفي بالأشياء اللي في حياتك، بس أنت راضي عن ربنا، الرضا بيبقى عن الله مش الأشياء.. بمعنى أن طموحك موقفش ومستمر، لكن راضي عن عطاء الله، بس عايز أكبر الشيء ولو مكبرش فأنا راضي بعطاء الله.. ومن وعلامة الرضا هو الاستمرار في العبادة.. ومن علامة السخط تعمد ترك العبادة لإني زعلان، حضرتك لعلك راضي بس طموحك عالي، فإن شاء الله ربنا راضي عنك".