والدة داليا شوقي: ابنتي تعرضت للأذى وكان لا بد من مساندتها
قالت الفنانة منال الفطاطري، إنها لم تقلق من شائعات طلاق ابنتها الفنانة بسنت شوقي، وزوج ابنتها الفنان محمد فراج، موضحة أنها دافعت عن ابنتها داليا شوقي لأنها تعرضت لهجوم وصل إلى حد الأذى.
أضافت "شوقي" خلال لقائه في برنامج "الستات" المذاع عبر شاشة "النهار": "مقلقتش من الإشاعات اللي طلعت عن طلاق فراج وبسنت، كنا الأول بنقلق اتعودنا وهما اثبتوا كفاءة".
أما عن المنشور الذي كتبته دفاعا عن ابنتها داليا شوقي، بعد الهجوم عليها بسبب مشهد من مسلسل "سفاح الجيزة" قالت: "كان في فئة من الناس بيأذوني أنا وبنتي، وأنا كنت بحاول اتغاضي عن الكلام ده واسيب كل واحد يقول اللي هو عايزه بس لقيت الكلام زاد عن حده، وصل لتريقه وحاجات بتأذي".
أشارت: "أنا اتحرقت واتنحررت على بنتي، في ناس علقت على كلمة عبدة الأصنام وقالت أنتي هتكفرينا، لا ده تعبير مجازي، بمعنى شوية رحمة، أنا وجهت الكلام للناس اللي شوفت منهم تطاول شديد وعدم رحمة ورقة من القلوب".
في نفس السياق، تحدثت منال الفطاطري عن علاقتها بزوج نجلها محمد فراج، وقالت: "أعمل حمى إزاي على محمد فراج ده شربات، ماينفعش أعمل عليه حمى، في إيه حاجة بحاول أوازن بينه وبين بسنت لأنه حبيبي أوي، وطيب ومسالم جدا وبياخد قلبي بالحاجات دي".