شروط مصطفى قمر لدخول ابنته التمثيل
تحدث المطرب مصطفى قمر، عن بداية مسيرته الفنية، ورأيه في دخول ابنته مجال التمثيل، مؤكدا أنه في حالة أنها موهوبة ولديها رغبة في دخول المجال سيتركها تخوض التجربة، ولكن مع الوضع في الاعتبار مجموعة من المعايير، لأن "إحنا شريقيين" على حد وصفه.
قال "قمر" خلال حواره مع الإعلامية سارة دندراوي في حلقة اليوم من برنامج "تفاعلكم-25 سؤالا": "لو بنتي موهوبة وشاطرة وحابة، هقف ليه!.. بس هخلي بالي من حاجة، البنات بتحتاج رعاية من أول لبسها لوجودها في أماكن في اللوكيشين".
أضاف: "إحنا شرقيين، فثقافتي وتربيتي لازم بنتي تتحط في المربع ده متخرجش منه.. لأن لازم لما حد يختار بنتي يختارها على نفس الأسس اللي أنا اخترت بها مراتي".
وعن رأيه في أغاني المهرجانات، قال: "في حاجات غلط بتتقال في الكلام بتبقى ركيكة. أو مزيكا متنفذه غلط وصوتها وحش مبحبوش.. بس مش معنى كده أن مفيش غنوة أو غنوتين ممكن يبقوا شكلهم حلو طلعوا، وممكن من ده يطلع حاجة بعد كده شكلها لطيف".
يشار إلى أن، آخر أعمال الفنان مصطفى قمر هو فيلم “أولاد حريم كريم” بطولة مصطفى قمر، بسمة، داليا البحيري، علا غانم، خالد سرحان، عمرو عبد الجليل، تيام مصطفى قمر، رنا رئيس، وهنا داود وعدد من الوجوه الجديدة، وتأليف زينب عزيز وإخراج علي إدريس، ومن إنتاج شركة انتلجنت (iproductions) وتوزيع خارجي روتانا.
والذي يعد استكمالا لنجاح فيلم “حريم كريم” والذي عرض منذ 18 عامًا، وتحديدا في عام 2005، ولعب بطولته مصطفى قمر، ياسمين عبد العزيز، الراحل طلعت زكريا، داليا البحيري، علا غانم، بسمة، خالد سرحان، محمد شاهين من تأليف زينب عزيز وإخراج علي إدريس.