تامر أمين: بعد ربنا أعمل من أجل الجمهور
علق الإعلامي تامر أمين على تكريمه في مهرجان الفضائيات العربية، مؤكدا أنه سعيد كون أن هذه الجائزة كانت بتصويت من الجمهور، موضحا أنه يعمل من أجل الجمهور فقط.
قال "أمين" خلال حلقة اليوم من برنامج "آخر النهار" المذاع عبر شاشة "النهار": "الجمهور هو السيد والحكم والمقيم، وهو الجهة الوحيدة بعد ربنا اللي بعمل من أجلها.. لذلك واحدة من عيوبي إني مبوزنش الكلام قبل ما أقوله وما بحسبهاش، وبقول اللي أنا شايفة صح واللي يرضي ربنا من وجهة نظري.. ولا بيهمني زعل ولا فرح حد، لأني لا مستني حاجة من حد ولا خايف عقاب من حد".
أَضاف: التكريم ده طبطبة من عند ربنا، اللي هو بيقولك ده بركة دعا الوالدة، أن بعد أيام من رحيلها ما زالت تدعيلك، خدوا بالكوا إحنا عايشين وناجحين ومستورين وبصحة بس بدعا الوالدين، أحياء وأموات".
أوضح: "بركة دعاكي يا أما هي السبب في أي نعمة أنا كنت فيها أو هبقى فيها أو لسه هتيجي، ودي إشارة من عند ربنا أن لسه أمك بتدعيلك وراضية عنك".
