لن يشاهده أحد.. جملة صادمة لـ نيللي كريم قبل عرض "ذات"
قالت الفنانة نيللي كريم، إنها لم تتوقع النجاح الذي حققه مسلسل "ذات"، الذي عرض في رمضان 2013، ويعد أول بطولة مطلقة لها.
قالت "كريم" خلال لقائها في برنامج "أسرار النجوم" مع الإعلامية إنجي علي المذاع عبر راديو "نجوم إف إم": "ماكنتش متخيلة أن ذات ينجح بالطريقة دي وكانت أول مرة أعمل بطولة، ومع مخرجة عظيمة كاملة أبو ذكرى".
أشارت: "إحنا بدأنا المسلسل في 2011 حصلت ظروف في البلد بعدها وقفنا، وبعدين دخلنا نكمل تاني، المسلسل اتصور على مراحل واتعرض 2013، فخد فترة زمنية طويلة في التصوير".
أوضحت: "إعلانات المسلسلات كانت بتتعرض، وإحنا كنا بنعرض على قناة واحدة بس، وكان في حد قاعد جنبي، وأنا مبسوطة وبتفرج على الإعلان ومتفائلة فالشخص ده قال ربنا يستر والمسلسل ده أي حد يتفرج عليه".
لفتت: "أنا اتخضيت فجأة من شخص مبسوط ومتفائل، قلقت أنا مفكرتش مين هيتفرج أنا عاملة مسلسل وحباه، ومشوفتوش على بعضه طبعا، بعد أول وتاني يوم عرض لقيت الناس بتكتب ذات والمسلسل راح في حتة تانية خالص غير متوقعة".