تعليق رضوى الشربيني على حوادث قتل الفتيات المتكررة

علقت الإعلامية رضوى الشربيني، على حوادث القتل التي حدثت لفتيات مؤخرا، متسائلة حول سبب تكرار هذه الحوادث، إذا ما كانت بسبب مشكلات أخلاقية أو دينية؟

قالت "الشربيني" خلال حلقة أمس من برنامج "هي وبس" المذاع عبر شاشة "CBC سفرة": "هل إحنا كإعلام غلطانين إننا اتكلمنا عن حادثة نيرة أشرف؟ فغششنا الناس التانية الطريقة اللي ماتت بيها، ولا هل المفروض قاتل نيرة الإعدام بتاعه يتعمل في ميدان عام؟ فاللي عنده النية في قتل بنات الناس يرجع لورا، ولا إحنا بقى عندنا مشكلة في الدين والأخلاقيات ولا إيه؟".

وعن حادثة قتل الفتاة في جامعة القاهرة، أشارت :"نورهان شهدت ضد القاتل لما ضرب مديرة بسبب خلاف مادي، وكان بيتوعد لها كتير وحرق عربيتها، الجامعة لقت المنظر ده، نقلت المتهم لقسم رعاية أطفال، الجامعة بدل متفصل هذا الشخص اللي ضرب مديره بسبب خلاف متدي اكتفت إنها تنقاه لقسم رعاية أطفال، القاتل تم نقله لقسم رعاية الأطفال.. أنا كأم مش قادرة أتخيل عشان أربي بنتي صح فتدخل المحكمة تشهد شهادة حق فتموت!".

في نفس السياق، قالت الدكتورة وفاء بكير، صديقة نورهان حسين مهران الفتاة التي قتلت على يد زميلها بجامعة القاهرة، إن نورهان كانت ملاك يعيشش بين الناس، فقد كانت ملتزمة أخلاقيا وأدبيا.

أشارت "بكير" خلال مداخلة هاتفية في برنامج "يحدث في مصر" المذاع عبر شاشة "mbc مصر"، ويقدمه الإعلامي شريف عامر: "نورهان كانت ملاك عايشة وسط الناس، وبنت رائعة في الأخلاق والأدب والشطارة، شاطرة جدا وملتزمة، أنا أعرفها من وهي طالبة وأنا كنت بدرس لها وبعد كده اشتغلت في الجامعة".

أوضحت: "اتصلت بالزملاء قالوا لي أحمد ده ساعات بيبقى طبيعي وساعات مش طبيعي، المشكلة أساسا أنه اتخانق مع مدير الكلية والخناقة دي كانت في وجود دكتور نورهان، طبعا الشئون القانونية استدعتها للشهادة وهي قالت كلمة الحق".

أردفت: "والدها كان قلقان عليها لأن الولد مش طبيعي قالت له أنا مش هبقى مذنبة أمام ربنا ودي شهادة حق ومينفعش ماقولش كلمة الحق، الكلام ده من 3 سنين، واتنقل كذا كلية بسبب مشاكله".