حنين وطيب.. نيللي كريم تتحدث عن زوجها هشام عاشور
تحدثت الفنانة نيللي كريم، عن زوجها الفنان هشام عاشور موضحة أنه شخص حنون وطيب ومتفائل، بالإضافة إلى كونه فنان موهوب، لافتة إلى أن والدتها تحبه جدا.
أشارت "كريم" خلال لقائها مع الإعلامية إنجي علي في برنامج "أسرار النجوم" عبر إذاعة "نجوم إف إم": "الجواز زي الصداقة، أنت عايز من الصديق يبقى حنين وطيب ووقت الشدة تلاقيه ومسؤل لازم تكونوا بتكملوا بعض، وبتعرفوا تتكلموا وتقعدوا مع بعض أيام من غير ما يبقى معاكم ناس تانية، والجواز صعب جدا لو شخصين مختلفين وقرروا يعيشوا مع بعض كل واحد بمشاكله وأحلامه وطموحه وطقوسه".
أضافت: "هشام شخص حقيقي جدا، طيب وحنين حنية فظيعة، والدتي محبتش حد قده، لما تشوفني تقول لي هو هشام فين، مبتسألش عليا، هي بتحس وهو بيحبها أوي.. وعنده ميزة مش كل الناس عندها الميزة دي وأنه بيعرف يتأسف، وأنا كمان عندي القدرة دي بقول أنا آسفة مقصدتش لازم نعرف نتأسف لبعض، هو شخص متفائل جدا وبيحب الحياة".
أما عن رأيها في كممثل قالت: "هشام موهوب جدا وطول الوقت بيتعلم، وفي مسلسل "عملة نادرة" عمل دور حلو أوي، ودايما بيدور على حاجات مختلفة".