رشا العدل تروي اللحظات الأخيرة في حياة شقيقها أحمد

كشفت رشا سامي العدل، اللحظات الأخيرة، لشقيقها أحمد، الذي وافته المنية، أمس السبت.

قالت رشا في منشور لها عبر حسابها الشخصي على "فيس بوك": "قاعدين على البحر في دهب في ساعة غروب بنضحك وبنعيط سوا ونشتكي لبعض قد أيه أبونا وحشنا وقد أيه الحياة من غيره صعبة فضفضنا لبعض و وعدنا بعض بحاجات كتير".

أضافت: "رجع القاهرة على وعد بلقاء قريب نتجمع فيه تاني، وجه اللقاء بعد مكالمة تليفون الحقي أخوكي تعبان في المستشفى، جريت عليه لقيت التعب والألم زايدين على عمره عمرين، مش عارف يتنفس و كلامه بصعوبة".

تابعت: "قعدت أكلمه وأضحكه وأحاول أهون عليه شوية، واسيبه يرتاح شوية، وفي عز محاولاتي نقله لمستشفى تانية، فقد نبض قلبه لثواني قدامي اتخضيت الدكاترة طمنوني وقالوا مفيش حاجة أهو زي الفل".

أردفت: "بس قلبي وجعني و لقيتني بقول له عايزاك تسبح و تقول الشهادة معايا و تفضل تقول كل القرآن اللي انت حافظه يا دوبك لفيت ظهري و لسة هاخرج اشوف موضوع الإسعاف ونقله لقيت دكاترة و ممرضين في كل حتة حوالين احمد بيحاولوا ينعشوه".

اختتمت حديثها قائلة: "٣٨ دقيقة على الساعة محاولات و انا واقفة قدامه قلبي بيتقطع و روحي انا بتطلع مني ماسكة في خيط أمل من الدخان اتقطع بآخر نفس منه، وراح أحمد، أخويا الصغير الطيب الحنين الهادي".

يذكر أن الفنان والمخرج الشاب، أحمد سامي العدل، قد وافته المنية، أمس السبت، بعد إصابته بعدة جلطات في الرئة، تسببت في إصابته بجلطة في القلب، من تداعيات إصابته مرتين بفيروس كورونا (كوفيد - 19).