هل لما بنبص للسما وندعي حرام؟ مصطفى حسني يجيب
ورد سؤال للداعية مصطفى حسني، تقول صاحبته: "حضرتك قولت في درس العقيدة إن ربنا مش موجود في مكان محدد ولا جهة معينة.. هل معنى كده لما بندعي نبص للسماء ده حرام؟".
أجاب "حسني" خلال مقطع فيديو نشره عبر حسابه الرسمي على موقع الصور والفيديوهات "إنستجرام": "الله موجود لا في مكان، لأن المكان حيز وربنا مش جسم عشان يحل في مكان، لو أنا قولت ربنا في السما ده يبقى اسمه حلول واتحاد، ودي من أحد أكبر بدع العقيدة".
أشار: "طب وأين الله قبل أن يخلق السماء؟ والسماء بناء فربنا كان برا السما وبعدين دخل في السما بعد ما خلقها؟ حاشاه السما بتحيط بالله والذي في السما سلطانه وملكه وأمره فلما بنبص للسما بيسموها جهة العلو".
في سياق آخر، ورد سؤال للداعية الإسلامي مصطفى حسني، من أحد المتابعين يقول فيه صاحبه: "ليه حرام الراجل اللي خاطب يلمس إيد خطيبته؟".
أجاب "حسني" عبر فيديو نشره عبر حسابه الرسمي على موقع تبادل الصور والفيديوهات "إنستجرام": "إحنا عندنا أجسادنا جزء من أملاك ربنا، لأن ربنا بيملك كل شيء.. فتخيل لما ربنا يقولك نصيحة؛ وربنا قال إحنا بنلمس بعض كرجالة وستات لما نكون حاجة من الاتنين؛ محارم(أمي، أختي، خالتي) أو لما نكون متجوزين".
أضاف: "أما الخاطب والمخطوبة هما لسه أجانب عن بعض ممكن يفسخوا الخطوبة وميكملوش، فأجسادنا اللي ملك ربنا قال ما تتلامسش إلا بعد كتب الكتاب وما بعده، فإحنا مبنعملش كده عشان الله قال لينا كده".