أحمد حلمي: منى زكي البلورة اللي أنا عايش فيها

قال الفنان أحمد حلمي، إن زوجته الفنانة منى زكي تعني له الكثير، موضحا دورها في حياته المهنية والإنسانية.

أضاف "حلمي" خلال برنامج "ABtalks" المذاع على يوتيوب ويقدمه الإعلامي أنس بوخش: "إحنا قصتنا قصة مجنونة بكل تفاصيلها، دايما الناس لما بتغير في بعض مابيكملوش، بينفجروا، بس اكتشفت أن لما غيرنا في بعض التغيير طلع صحي".

تابع: "فيه مراحل كتير أوي في حياتي هي السبب فيها، مراحل على المستوى الإنساني والمهني والفني ليها يد كبيرة جدا فيها، وحقيقي زي ما بيقولوا وراء كل رجل عظيم امرأة أعظم منه المفروض، فهي عندها كمية من الصدق بهتت عليا في وسط عالم مطلوب إنك على الأقل مش هقول كذاب لكن على الأقل مجامل، بتقول الحقيقة كما يجب بلطف".

أردف: "دايما يقولوا إن الراجل سند حقيقي، لكن كمان الست سند كبير ومهم جدا، فهي سند حقيقي في حاجات كتير جدا، هي تمثل البلورة اللي أنا عايش فيها وبشوف نفسي من خلالها".