صلاح عبد الله يكشف سبب عدم استكماله أجزاء "الدالي"
كشف الفنان صلاح عبد الله سبب إنهاء دوره بالجزء الأول من سلسلة الدالي بوفاته وعدم مشاركته بباقي الأجزاء بناءً على رغبته.
قال "عبد الله" خلال لقائه مع الإعلامية إسعاد يونس في برنامج "صاحبة السعادة" على شاشة "dmc": "الدالي ده كان عامل مشكلة، مصر كلها كانت عايزة تعرف مين اللي قتل ابن سعد الدالي، وأنا حسيت إن خلاص وصلت بالدور لأعلى حاجة، وقتها مكنش ليا أوي في حكاية الأجزاء دي والفترة دي كنت بشتغل كتير أوي ألف حمد وشكر".
تابع "كلمت الأستاذ نور قولتله عايز أقولك حاجة.. فوزي أنقذ العيلة، فوزي لازم يموت خلاص ده اتشوه واتحرق، وأنا نفسي أتدفن مع ابنك عشان أسرسب نور الشريف".
استكمل: "جينا نصور المشهد قالي مقدرش أدفن القاتل مع المقتول، أنا وأنت نتدفن مع أبويا وأبوك في البلد وكانت نهاية الدالي 1".
https://fb.watch/nsg6l2L4lr/
يذكر أن مسلسل "الدالي" بطولة القدير الراحل نور الشريف مع سوسن بدر وصلاح عبد الله وصلاح رشوان وغيرهم، من تأليف وليد يوسف وإخراج يوسف شرف الدين.
يشار إلى أن آخر أعمال الفنان صلاح عبد الله مسلسل "سفاح الجيزة" بطولته مع أحمد فهمي وركين سعد وباسم سمرة وداليا شوقي من تأليف محمد صلاح العزب وعماد مطر وإنجي أبو السعود وإخراج هادي الباجوري.