الشرطة تهدي أغنية "صف واحد" للقوات المسلحة بمناسبة احتفالات أكتوبر
أهدت الشرطة المصرية، أغنية "صف واحد" للقوات المسلحة المصرية، بمناسبة احتفالات حرب أكتوبر.
نشرت "الشرطة" الفيديو الخاص بالأغنية عبر حسابها الرسمي على موقع "يوتيوب". والأغنية من غناء مجد القاسم، وكلمات عبد الله حسن، وألحان وتوزيع شريف حمدان.
وجاءت الكلمات كالتالي:
اسمي هو اسمك
مصري دمي حر
متربي جوة أرضك
ودايما تحت أمر
بلدي لما تنادي أكون ليها النجاة
أموت عشان بلادي أمن الوطن حياة
يا مصر إنتي علمك دايما عالي لفوق
إحنا ولادك وجيشك بنصد أي سوء
6 أكتوبر عبرنا وهتفنا تحيا مصر
واللي يعادي سهل عادي نمحيه من الوجود
إحنا الرجولة والبطولة
رمز الانضباط
شايلين سلاحنا قبله روحنا
إحنا في رباط
فينا البسالة واستحالة طول ما فينا نبض
يتمس شبر منه أمن مصر لينا فرض
كلمة لكل الدنيا من مصر العظيمة
نموت ولا إن الوطن دا يشوف هزيمة
طول ما إحنا عايشين موجودين هنا صف واحد
يشهد علينا ربنا وتاريخنا شاهد
على كل شبر في أرضها موجود علامة
هنا علمتنا مصر يعني إيه كرامة
هنا ملحمة واصلة السما عايشين بفخر
الكون بيشهد لينا بينا بيقول شوفوا مصر
تحتفل القوات المسلحة بعيدها في 6 أكتوبر بمناسبة ذكرى انتصارات أكتوبر المجيدة، ويوافق 6 أكتوبر المقبل اليوبيل الذهبي لحرب أكتوبر المجيدة، ومرور 50 عاما على الانتصار على العدو الصهيوني.