بلاش تعليقات محبطة.. خالد عليش يخضع لتقويم الأسنان
أعلن الفنان خالد عليش، خضوعه لتقويم الأسنان، من أجل علاج مشكلة أسنانه، موجها رسالة للمتابعين بالإمتناع عن التعليقات المحبطة، حتى تنتهي رحلته مع التقويم، مشيرا: "هنتعود على الشكل الجديد مع بعض".
نشر "عليش" صور له بتقويم الأسنان عبر حسابه الرسمي على موقع تبادل الصور والفيديوهات "إنستجرام"، معلقا: " اليوم الأول في قرار من القرارات المهمة في حياتي.. زي ما هو واضح عملت تقويم لأسناني".
أَضاف: "طبعا كنت بحبها وبحب شكلي وراضي عنه جدا وكنت مميز بيه، بس حاسس أنهم بيبعدوا عن بعض أكتر وكفاية كده بقى حان وقت التغيير".
الرحلة طويلة تقريبا تسع شهور ربنا يدينا و يديكم طولة العمر، بالتالي بلاش أي تعليقات محبطة الله يباركلكم، اللي هو ليه كده؟وأنت كده بتلعب في الشاسية ومبقتش كحيان وهترجع تندم".
اختتم: "تعالو نتعامل معاها في صمت لحد ما التسع شهور يعدوا وهنتعود على الشكل الجديد مع بعض".
في سياق آخر، كان الفنان خالد عليش تحدث عن رأيه في زيادة حالات الطلاق مؤخرا بشكل كبير، مشيرا إلى انزعاجه عند سماعه أي أخبار عن انفصال أي ثنائي بعد ارتباطهما لسنوات طويلة.
كتب "عليش" عبر حسابه على "فيسبوك": "أنا بزعل جدا لما بعرف خبر عن اتنين بيحصل انفصال بينهم، خصوصا لو عدى على علاقتهم سنين وعشرة وبينهم أطفال، أنا مؤمن جدا ان الانفصال حتمي في حالة المشاكل الكبيرة و الوصول لحائط مسدود واما تخلص كل الحلول المتاحة ويمكن ده اللي حصل معايا في تجربة زواجي الأولى.. أنا مكنتش عايز أنفصل بس فجأة مفيش حل غير الانفصال".
أضاف: "أنا طبعا معرفش رواية كل اتنين انفصلو و لا ايه الأسباب ورا ده ويمكن يكونو جربوا كل الحلول وفشلوا، بس اللي أنا شايفه ان النسبة بتزيد اوي بقى في استسهال و استغناء والحالات كترها بقى يخوف أوي.. احنا مبقناش باقيين على بعض ولا قادرين نستحمل بعض لا ست ولا راجل ".
أردف: "مش مرتاحة معاه هامشي.. مش مرتاح معاها هاجري، أنا بقيت كل ما اسمع خبر انفصال بزعل جدا، ومش بتكلم بس على شخصيات عامة بص حواليك هتلاقي نماذج كتير ".
استطرد: "لو سمحت يا جماعة نستحمل بعض .. نبقى باقيين على بعض .. مهمين في حياة بعض .. مقدرين بعض، بلاش تستسهلوا الانفصال الموضوع مؤذي جدا لكل الأطراف حتى لو مفيش أطفال.. ما بالك بقى لو في أطفال".