إلهام شاهين: صالحت الناس بدوري في "الفريدو"

كشفت الفنانة إلهام شاهين، عن سبب اختيارها لشخصيتها في مسلسل "الفريدو"، موضحة أنها تبحث عن الأدوار الصعبة، التي لم تقدم من قبل.

أضافت "شاهين" خلال لقائها في برنامج "كلمة أخيرة"، مع الإعلامية لميس الحديدي، المذاع عبر شاشة "ON": "محدش عمل الزهايمر من السكة اللي مكتوبة في المسلسل ده، ومعظم اللي عملوه رجالة، وبيدعي أنه عنده زهايمر عشان يشوف العيلة هتعمل معاه إيه، مفيش ولا نجمة أو ست قدمته بالطريقة دي".

أشارت: "التعليقات أروع مما تخيلتوأروع ما قيل عني في حياتي الفنية كلها.. أنا عارفه أن أرائي وشخصيتي بتستفز ناس كتير وفي ناس مبتحبش إلهام شاهين، وده طبيعي مفيش إنسان الناس كلها بتتفق عليه، لكن حتى اللي مش بيحبوني بيقولوا أنا مبحبش إلهام شاهين لكن عاشقها في المسلسل، بس هي مبدعة".

أوضحت: "أول مرة اللي بيحبوني واللي مش بيحبوني الاتنين بيقولوا نفس الرأي، اللي بيهاجموني مش لاقيين حاجة يهاجموني عليها، مش قادرين، للدرجة دي الشخصية عملت تصالح حتى لو تصالح مؤقت، لأن أنا اتعودت كل عمل ممكن يهاجموا قبل ما يشوفوه".

يُذكر أن مسلسل "الفريدو" مأخوذ عن كتاب "55 مشكلة حب" للدكتور مصطفى محمود، ويتكون من 10 حلقات، وهو من بطولة إلهام شاهين وأحمد فهمي وندا موسى وأمير شاهين وإيمان السيد وعمر شرقى ومحسن صبرى، ومن تأليف عمرو محمود ياسين وإخراج عصام نصار، إنتاج أحمد عبدالعاطي بالتعاون مع الشركة المتحدة للخدمات الإعلامية.