نانسي صلاح: تعرضت للتنمر بسبب شعري

تحدثت الفنانة نانسي صلاح عن تعرضها للتنمر في طفولتها بسبب شكل شعرها، موضحة أضرار التنمر على الأطفال.

قالت "صلاح" خلال لقائها في برنامج "السفيرة عزيزة" مع الإعلاميتين سالي شاهين ورضوى حسن على قناة "dmc": "وأنا طفلة كان عندي مشكلة مع شعري لأن الناس كانت متنمرة جداً، يمكن تنمر دي كلمة جديدة وبقت منتشرة دلوقتي، بس التنمر نفسه موجود من زمان".

تابعت: "يعني أنا أفتكر الناس كانت تقعد تقولي يا بنتي اعملي شعرك فتلة شعرك خشنة مع إنها ناعمة".

أشارت لأضرار التنمر للأطفال، موضحة أن مثل هذه الأشياء تؤثر في نفسية الطفل، مضيفة: "لأن في أطفال دلوقتي تلاقي حد بيقول لطفل إيه، إيه شعرك المنكوش ده بس في ناس دلوقتي لطيفة تقول الله لا شعرك أمور وشكلك حلو".

وعن العناية بالشعر الكيرلي قالت: "مبدئياً لازم يكون طبيعة ربنا، أنا مش بعمل حاجة أنا كده من زمان فمكنش في منتجات حتى فكنت بحط كريمات عادية زي بديل الزيت، أنا شعري وأنا صغيرة كان أتقل بكتير أوي ف مكنش محتاج إن أنا أحطله حاجات كتير على شعري".

تابعت: "الكيرلي مينفعش نحطله كريمات كتير أوي عشان بيلزق وبيهيش، وكمان عشان إحنا مبنعملوش كتير بنحتاج بس ماسك وحمام كريم كتير أوي وحمامات زيت كتير أوي مينفعش نقربله السشوار كتير أوي".

يُذكر أن آخر أعمال الفنانة نانسي صلاح مسلسل "ستهم" الذي عُرص برمضان السابق بطولة روجينا وإياد نصار وجهاد سعد مع نانسي صلاح، من تأليف ناصر عبد الرحمن وإخراج رؤوف عبد العزيز".

جدير بالذكر أن برنامج "السفيرة عزيزة" برنامج يهتم بشئون المرأة بتقديم العديد من الإعلاميات، الكبيرة سناء منصور وجاسمين طه زكي وشيرين عفت ونهى عبدالعزيز ورضوى حسن وسالي شاهين.