شريف مدكور يوضح تصريحاته بشأن سيناء
أوضح الإعلامي شريف مدكور تصريحاته التي نشرها خلال الأيام السابقة، عن أن سيناء خط أحمر، وذلك بعدما تعرض لهجوم من متابعيه.
كتب "مدكور" عبر حسابه الرسمي على موقع تبادل الصور والفيديوهات "إنستجرام": "من يومين كتبت (سيناء خط أحمر) ولقيت هجوم كبير عليا بغض النظر عن الهجوم اللي مش فارق معايا، لكن أنا حابب أوضح كام نقطة لجمهوري".
أضاف: "أنا أقصد إن سيناء لو تم تنفيذ المخطط الإسرائيلي بتهجير أهالي غزة ليها، ده هينهي القضية الفلسطينية للأبد، وده مش في صالح حد أبدًا".
تابع: "سيناء رواها أجدادنا بدمهم مرة في الحروب مع إسرائيل ومرة إخواتنا وأصحابنا في الحرب على الإرهاب، علشان اللي فاكر إن مصر ممكن تضحي بشبر واحد من أرضها تحت أي ظرف فلازم يعرف إنه غلط".
استكمل: "إسرائيل من أيام حكم الرئيس مبارك عايزة تاخد سيناء وتديها لغزة وده معروف للجميع، ولكن صانع القرار المصري زمان ودلوقتي أحبط المخطط ده".
اختتم: "حاجة مهمة جدًا علشان نقفل القصة دي، يا ريت محدش يزايد على وطنية حد".