"عنيا فتحت".. أحمد ثروت: مؤمن زكريا دعالي من قلبه
تحدث أحمد محمد ثروت، نجل الفنان محمد ثروت عن دعم الفنان تامر حسني، واللاعب مؤمن زكريا له، في فترة مرضه.
قال "ثروت" خلال لقائه مع الإعلامية منى الشاذلي، عبر شاشة "on" ببرنامج "معكم منى الشاذلي"، إنه يعرف الفنان تامر حسني من خلال أصدقاء مشتركة بينهما، ولكنه رغم ذلك كان يطمئن عليه يوميا طوال فترة علاجه، ويرسل له أغاني حماسية.
أضاف "ثروت": "كنت بتبسط أوي لما بيكلمني، كان بيقدم دعم كبير ليا، وفي يوم كنت تعبان أوي فبعتلي جزء من أغانيه وأفلامه وتاني يوم سألني مالك فقلتله أنت الرادار بتاعك سابق رادار أمي ومن ساعتها أنا مسميه الرادار وهو يقولي يا قلب أمك".
أما عن اللاعب مؤمن زكريا فقال: "دعالي من قلبه فعلا، هو بعتلي مسج على الإنستجرام وكانت من قلبه جدا، وأنا اتهزيت اليوم ده، ونزلت للدكتور بتاعي والوقت كان متأخر وكله وقف يعيط محدش كان مصدق التجاوب ده، أنا عيني كانت مقفولة خالص، وأنا كلمته وأنا بعيط وبقوله إنت عارف إن عيني فتحت بعد دعوتك بمفيش ساعة ولا حاجة، لما حد بيتكلم من قلبه أوي بيشيل الحواجز وهو دعالي من قلبه وربنا استجاب".