مطرب المهرجانات علي قدورة يعتزل الغناء
أعلن مطرب المهرجانات علي قدورة، اعتزاله مجال الغناء، وتبرأ من الأغاني التي قدمها من قبل، موضحا أنه سيترك كل أمواله التي جمعها من الغناء، وسيجد عملا آخر.
كتب "قدورة" عبر حسابه الرسمي على موقع التواصل الاجتماعي "فيس بوك": "السلام عليكم في يوم جمعة مبارك، أنا علي عبد القادر السيد، الشهير بعلي قدورة، كنت مغني قبل النهاردة في حاجة حصلتلي مش عارف إيه هي بس الحاجة دي هي اللي بتخليني أتكلم دلوقتي".
أضاف: "أنا بريء من كل عمل أو مزيكا عملتها في حياتي وبعلن اعتزالي عن مجال الأغاني لحد ما يفتكرني ربنا، ويا رب سامحني عن أي حاجة أنا عملتها في حياتي أو أي حاجة صدرت مني ويا رب قربني ليك وافتحلي باب رزق يرضيك".
أشار: "ومفيهاش حاجة لو بدأت من جديد في أي شغل بالحلال وأي فلوس معايا أنا هسيبها بالرضى لأهلي ومش عارف هيبقى الصح إيه وهبقى لا امتلك إلا صفر، وربنا يثبتني في الطريق دة ومش هطول عليكم بس دي نيتي وربنا كريم وكبير وغفور رحيم".