إبراهيم عبد الجواد ينتقد المشاهير دعاة الحرب
انتقد الإعلامي إبراهيم عبد الجواد، دعوات بعض المشاهير للدخول في حرب إثر ما يحدث في قطاع غزة، مؤكدا "إبراهيم" على أن الحرب أكبر من مجرد دعوة من خلال مواقع التواصل الاجتماعي.
كتب "عبد الجواد" عبر حسابه على موقع "إكس": "أبويا الله يرحمه كان سويسي، حارب في الجيش وفي المقاومة الشعبية، لما كانت تيجي سيرة حرب في أي وقت كان دائما يقول اللي بيطالب بالحرب ده عمره ما شاف ولا عاش يعني إيه حرب".
أضاف: "وطبعا كان بيوصفلي مشاهد توضح الصورة وإن الحرب دمار واستنزاف بشري واقتصادي وممكن البلد اللي تدخل حرب متعرفش تقوم بعدها".
أوضح: "وإن أطراف كتير من مصلحتها تزق مصر في حرب عشان تدخل في دوامة ملهاش آخر، قرار الحرب مش شبحنة وفتحة صدر واستغلال وشحن جماهيري عشان تحقيق بطولات زائفة"
اختتم: "ده قرار مصيري له ضوابط ومتخصصين وتبعاته ممكن تستمر لسنين طويلة، القصة مش طق حنك وكلمتين سخنين على السوشيال ميديا".
ابويا الله يرحمه كان سويسي حارب في الجيش وفي المقاومة الشعبية .. لما كانت تيجي سيرة حرب في اي وقت .. كان دائما يقول اللي بيطالب بالحرب ده عمره ما شاف ولا عاش يعني ايه حرب .. وطبعا كان بيوصفلي مشاهد توضح الصورة .. وان الحرب دمار واستنزاف بشري واقتصادي وممكن البلد اللي تدخل حرب…
— Ibrahim Abdel Gawad (@ibrahimabdgawad) October 19, 2023
وكان قد دعا الفنان محمد رمضان إلى الدخول في حرب ضد إسرائيل، مؤكدا على أنه لا داعي للاستنجاد بالأجانب ولكن يجب أن تدافع الجيوش العربية عن فلسطين وأرضها وشعبها.
أوضح "رمضان" خلال فيديو له نشره عبر حسابه على موقع "فيسبوك": "بلادنا عندها جيوش وأسلحة، وبنشتري أسلحة ودبابات وبنشتري طيارات، وبنسيبها لحد ما تصدي ونشتري غيرها، هنستخدمها إمتى؟".
أكمل: "عايزين صوتنا يوصل لمين برة، مين يدافع عننا ده قمة الجبن وعدم الرجولة لما نقول عايزين نكتب بالإنجلش عشان برة يعرفوا، وأنت فين دورك، وبلدك وجيشك، صوتك يوصل لحكومتك قول لحكومتك طلع السلاح وروح حارب مين هيدافع عن عربي زيه زيك غيرك؟".