منى عبد الغني: بتعملوا كده ليه في أطفال غزة؟

أجرت الإعلامية منى عبد الغني اختبارًا على الهواء حول كيفية التخلص من الضغط النفسي أجابت فيه عن أن نقطة ضعفها هي أبيها وأمها، مضيفة أنها لو كانت هي المسئولة عن الأحداث التي تجري الآن، ستكون سعيدة إذا تحقق السلام، قائلة: "حاجات كتير أوي هكون مبسوطة لو لو وصلنا للسلام الحقيقي".

تسائلت خلال حلقة اليوم ببرنامج "الستات ما يعرفوش يكدبوا" على قناة "CBC": "نفسي اعرف بتعملوا كده ليه في الأطفال اللي هتسألكم يوم القيامة تقول لكم قتلتوني بأي ذنب".

تابعت: "أكبر غلطة عملتها إني ما طلعتش دكتورة عشان أكون هناك وأساعد كل الجرحى".

وعن الشيء الذي يضايقها، قالت: "إن أنا مش قادرة اعمل حاجة، نفسي أعمل حاجات كتير، المشكلة الوحيدة هي اليأس، أو العجز إحساسنا إننا مش قادرين نعمل حاجة".

من جانبها، قالت الدكتورة منه بدوي أخصائية الطب النفسي للأطفال، بعد إجراء الاختبار: "اؤكد لك إن أنت في الدقايق دي حسيتي إنك مرتاحة، وإن أنت اتكلمت حتى لو جزء بسيط قوي، ده غير لما كمان الأم تدي للطفل الورقة وهو يكتب توضح الكثير من الميول والرغبات الاتجاهات عند الأطفال".