كرهت جوزي بسبب أنه بيهيني.. أسامة منير يرد
وجهت إحدى المتابعات، سؤال للإعلامي أسامة منير، تقول فيها إنها متزوجة منذ 3 سنوات من رجل يحبها وأنجبت منه 3 أطفال، ولكن معانلته لها تغيرت بعد وفاة والدها، فأصبح يسبها على أتفه الأسباب ولا يبالي بتركها للمنزل.
أضافت: "أول سنة جوزي كان بيعاملني معاملة حلوة جدا عشان أبويا كان عايش وبعد ولادة أول طفل أبويا توفى، وبعد وفاته بدأ يتمادى عليا، مع العلم إني لو شوفته محتاج أو مزنوق بساعده وبشتغل عشانه، هو يتيم الأب والأم بس أنا كرهته بسبب الشتيمة وسب الدين أنا عاملة على العيال وخايفة عليهم من البهدلة".
نرشح لك: ليلى علوي: أحلم بتقديم شخصية أم فلسطينية
رد "منير" خلال مقطع فيديو نشره عبر حسابه الرسمي على موقع الصور والفيديوهات "إنستجرام": "لازم يقف، لازم حد كبير يقعد يتكلم معاه أو لازم أنتي تتكلمي معاه، قولي له مشاعري تجاهك عاملة زي الرصيد في البنك، أنسى إني بقول لك هسبلك اللبت وأمشي، تعالى نتكلم بالعقل".
أشار: "مشاعري زي رصيد البنك كل مرة بتشتمني أنت بتسحب من الرصيد ده هتوصل لمرحلة يبقى رصيدك صفر وهنوصل لحالة سيئة هتشتمني هشتمك هتسبلي هسبلك، وعيالنا يتربوا تربية مش كويسة وغير أسوياء، تعالى نتفق إنك لما تتنرفز وعايز تشتم قول أي حاجة تانية قول الله يسامحك، الإهانة بتهد الجوازة".
