مروان بابلو: هدف أغنية "راجعين" إيصال رسالة للعالم
وجه مغني الراب مروان بابلو، رسالة للعالم بشأن العدوان الإسرائيلي على غزة، بأغنية "راجعين"، موضحا أن الهدف من الأغنية ليس الاستماع أو الرقص ولكن لإيصال رسالة معينة.
كتب "بابلو" عبر حسابه الرسمي على موقع الصور والفيديوهات "إنستجرام": "فكرت كتير قبل ما أعمل شير وكنت متردد الصراحة، عشان عارف أن مش أغنية اللي هتحرر القدس وعارف أن كومنت واحد مش هيعمل حاجة ولا ستوري واحدة هتفرق".
نرشح لك: على خطى "الحلم العربي".. 25 فنانا يشاركون في "راجعين" دعما لـ غزة
أشار: "وأياً كان العائد الهيطلع من أغنية مش هدفها الاستمتاع أو الرقص هدفها توصيل رسالة واضحة وصريحة للي محتاج توصله مش هو دا اللي هيفرق وأياً كان حجم التبرعات مش هو دا اللي هيعوض اللي حصل وبيحصل".
أوضح: "بس في الجانب الآخر أنا حاسس إني لو كنت داعية كنت هتكلم في الموضوع ولو كنت مؤرخ كنت هعمل نفس الشيء ولو مدرس أو دكتور أو جرافيك ديزاينر أو أو كنت هشارك باللي هقدر عليه عشان دي قضية في دمي من أول ما اتولدت مش عشان تريند".
تابع: "في آخر المطاف القـدس وفلـسطين مكتوبلها تتحرر إن شاء الله زي ما حصل قبل كدا، وشهداء الحرب كلهم في مكان أحسن أكيد من اللي إحنا فيه حالياً (وَلا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ)".
أردف: "الموضوع وما في أن كل اللي شاركوا في الأغنية عملوا اللي ضميرهم حتم عليهم فعله، بدون النظر لأي فرعيات أخري، ويظل الدعاء والتصدق هما الحل الأفضل للناس العادية اللي زينا في الوقت الحالي، لحين مشيئة الرحمن في فك الكرب".