موقف أسما شريف منير من العودة للحجاب
تحدثت الإعلامية وخبيرة التجميل أسما شريف منير، عن تطوعها لدى جمعية الهلال الأحمر المصري، مع ابنتها لارا، موضحة أن الأحداث الجارية في قطاع غزة جعلتها تعيد التفكير في أشياء كثيرة.
قالت "أسما" خلال لقائها مع "ET بالعربي" إنها تشعر بتأنيب ضمير كبير لأنها تستطيع أن تعيش حياتها بطريقة طبيعية ولا تستطيع فعل شيء لأهالي غزة، مكملة: "أنا كنت بتكلم مع لارا عشان أفهمها اللي بيحصل ومكنتش عايزة أفرجها في فيديوهات عشان متتعبش نفسيا، لأني عايزة أعلمها إنها متبقاش أخدة كل حاجة كده وحاسة إنها من حقها وتعتاد النعم لازم تحس باللي بيحصل".
أضافت أسما أن العدوان الإسرائيلي على قطاع غزة جعلها تشعر بالامتنان لكل النعم التي تحيط بها، مشيرة إلى أنها أعادت حساباتها مرة أخرى في كل شيء تقوم به.
أما عن موقفها من العودة للحجاب فقالت: "فيه فترة في الحياة كنت محجبة، وللأسف الشديد مقدرتش أكمل في ده، وأنا كشخصية عامة مش هعرف ألبس الحجاب اللي هو نص نص ده".
أكملت: "لو هلبسه لازم أحترمه لإني بشوفه فرض بغض النظر عن آراء الناس التانية، فلازم أحترمه والناس تقتضي بالمثل ده، طول الوقت بفكر فيه وبقول يارب يكتبهالي إني أقدر أحافظ عليها".