أحمد مكي: ما يحدث في غزة بداية زوال الدنيا
تحدث الفنان أحمد مكي عن الأوضاع الحالية في غزة، مشيرا إلى أنها علامة على بداية زوال الدنيا.
استشهد "مكي"، خلال فيديو نشره عبر حسابه على فيسبوك، بالحديث النبوي: (يوشك الأمم أن تداعى عليكم كما تداعى الأكلة إلى قصعتها، فقال قائل: "ومن قلة نحن يومئذ؟، قال: بل أنتم يومئذ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن في قلوبكم الوهن).
نرشح لك: رغم فوزها في المكسيك.. أُنس جابر تبكي لأجل فلسطين
أضاف: "وسأل أحدهم ما هو الوهن؟ الوهن هو حب الدنيا وكراهية الموت والاتنين ميجتمعوش أبدًا مع فكرة الإيمان، لإن اللي عنده إيمان حقيقي من جواه هيبقي حابب وبيتمني انه يستشهد في سبيل الحق والحق هو الله".
أردف: "أنا لا أدعي أبدًا أني رجل دين ولا بدعي اني مثالي بالمرة بالعكس أنا إنسان بسيط وأقل من البسيط بكتير، إنسان بستغفر وأكيد ليا أخطاء في حياتي ندمان عليها وبدعي ربنا يغفر لي، لكني لما قريت شوية في الموضوع اكتشفت ان فيه آيات واضحة وصريحة قايلة الخلاصة".
استطرد: "ربنا من رحمته بينا من قبل أحداث فلسطين أظهر لنا نذر كتير زي البراكين والخسوفات والأوبئة، وإحنا داخلين على حاجات عظيمة وواضحة.. عشان كده في اللي جاي لازم الإنسان يحدد موقفه، كأنها فرصة للجميع للرجوع للطريق السليم".
استكمل: "في قصة انا فاكرها كويس جدًا كانت مأثرة على نفسيتي من وأنا طفل، كان اسمها أُكلت يوم أُكل الثور الأبيض، القصة دي بتحكي الواقع بالملي مرعبة، واللي مذاكرين الدين كويس عندهم عارفين أن الحركة اللي بيعملوها الصهاينة دلوقتي دي بداية الزوال".
اختتم: "ده وعد ربنا.. ووعد الله حق، وعمره ما يخلف ميعاده ولازم ناخد بالأسباب ودلوقتي وقت حساس يا تاخد طريق الله أو طريق الشيطان، والصهاينة هم جيش الشيطان".
