مدحت العدل يوضح سبب تأجيل إعادة تقديم أوبريت "الحلم العربي"

قال الدكتور مدحت العدل، إن تأجيل النسخة الجديدة من أوبريت "الحلم العربي" و"القدس هترجع لنا" لاعتبارات خاصة ببرنامج دار الأوبرا المصرية، موضحا أنه ضد وقف المهرجانات الفنية بسبب الأحداث في غزة.

أضاف "العدل" خلال لقائه في برنامج "مساء الإمارات" مع الإعلامي عبد العزيز أحمد المذاع عبر شاشة "الظفرة": "تم تأجيل مشروع الحلم العربي لاعتبارات لها علاقة ببرنامج الأوبرا وأنا دعيت فنانين كتير ييجوا يغنوا واتفقت مع ممثلين كتار من ضمنهم الفنانة يسرا والفنانة يسرا والفنان حسين فهمي".

نرشح لك: على خطى "الحلم العربي".. 25 فنانا يشاركون في "راجعين" دعما لـ غزة

أشار: "أنا عايز مطربين يغنوا وحصل لغبطة لأني كنت في مهرجان الشارقة ومش عارف أتابع وده متفق عليه من أكتر من 6 شهور إحنا مش هنعمل مجرد أغنية، إحنا كنا هنعمل تبرع على الهواء وهنجمع تبرعات لأهل غزة على حساب بنكي وتبرعات، لأن ناس كتير بتقول هنقعد نغني إحنا شغلتنا كفنانيين إننا نصحي الوحدان والدكتور بيعمل شغله واللي بيزرع بيعمل شغلع".

تابع: "أنا ضد إلغاء أي تظاهرة فنية الحياة تستمر والمهرجانات تتعمل العالم كله يحترم الفن، الناس هنا بتعتبر إنك لو عملت الفن يبقى أنت مش مهتم بالقضية، لا ليه معملش المهرجان ونتكلم عن القضية".

أما عن مشاركة الفنانة شريهان في عمل فني قريبا أوضح: "النجمة شريهان بندور لها على حاجة تليق بيها لأنها عشان ترجع بتاخد تحضيرات كتير، في مشروع في الأفق لكن تكلفته كبيرة ومحتاج تحضير كتير وده مش هيبقى في القريب العاجل".

وعن مشاركة الفنانة يسرا في السباق الرمضاني المقبل قال: "الفنانة يسرا السنة دي عايزة ترتاح رغم إني متأكد أن الجمهور بيحبها كل لحظة".

كما كشفت أيضا عن العمل المقبل لـ الفنان يحيى الفخراني، موضحا: "اللي أنا بشتغل عليه دلوقتي هو مسلسل للفنان الكبير يحيى الفخراني هيبقى في رمضان متاخد من رواية الكاتب إبراهيم عبد المجيد (عتبات البهجة)".