تامر أمين للمشككين في دور مصر: خليك في خيبتك
رد الإعلامي تامر أمين على الحملة الممنهجة الموجهة ضد مصر للتشكيك في دورها العربي، مؤكدا أن مصر لم تقصر في أي من واجباتها تجاه أشقائها العرب خاصة تجاه القضية الفلسطينية.
قال "أمين" خلال تقديمه برنامج "آخر النهار": "في موضة طالعة الأيام دي اسمها هات اسم مصر في أي حاجة وزايد عليها.. حاول تلزق خيبتك وتقصيرك يعني في مصر، دي حملة ممنهجة لتشويه صورة مصر وموقفها تجاه القضية الفلسطينية بالذات".
نرشح لك: اعتقلها الاحتلال للمرة الثانية.. من هي عهد التميمي؟
أضاف: "في مثل يليق على الموضوع ده معناه ان اللي فيك تجيبه في غيرك، وموقف مصر على فكرة مش محتاج دفاع لأن اللي بيدافع عن نفسه ده متهم".
أردف: "ده في موضوع القضية الفلسطينية ده مصر تتحط في لوحة الشرف وبعدها أي حد تاني ييجي وراها.. والتاريخ اللي بيقول كده".
وفي نفس السياق، قال الإعلامي تامر أمين، إن إسرائيل تقمصت دور الشيطان في حرب غزة، لكونها لم تلتزم بأي أعراف أو قوانين دولية.
تابع خلال تقديم برنامجه "آخر النهار"، المذاع عبر شاشة النهار: "إسرائيل تقمصت دور الشيطان في هذه الحرب.. دول ضربوا بعرض الحائط كل المواثيق والأعراف والقوانين الدولية، لكن سبحان الله في كل يوم بيتمادوا في البطش والظلم بتزيد خسايرهم، لكن الفلسطينيين بيكسبوا احترام العالم كل يوم".
أضاف: "وده بالظبط زي موقف العالم من مصر بعد أن نجحت في هزيمتهم في حرب اكتوبر ونجاحها في اكتساب احترام العالم".