حنان مطاوع: الذكاء الاصطناعي ينتهك حرمة الأشخاص

تحدثت الفنانة حنان مطاوع، عن مخاطر مواقع التواصل الاجتماعي والذكاء الاصطناعي، موضحة أن فوائد مواقع التواصل الاجتماعي مثل أضرارها، لافتة إلى أن الذكاء الاصطناعي ينتهك حرمة الأشخاص.

أضافت "مطاوع" خلال لقائها مع الإعلامية منى الشاذلي، في برنامج "معكم منى الشاذلي" المذاع عبر شاشة "ON": "السوشيال ميديا فادت البشرية زي ما ضرتها، وزي ما قربت البعيد بعدت القريب، بعدتنا عن بعض، والأخطر من ده كله أنه مبقاش في حقيقة، أي حد ممكن يبقى له مؤيدين ويحاربوكي بأبشع الأساليب، فيختلط على الناس مين الصح ومين الغلط؟ وفين الحقيقة؟ مين الخير ومين الشر؟".

نرشح لك: حنان مطاوع تكشف تفاصيل أزمتها الصحية

أشارت: "الذكاء الاصطناعي وإنك تنتهكي حرمة أي حد، بأي حق أخلي حد متوفي يغني أغنية أنا سلبت منه حق الاختيار، من أعظم الحاجات اللي ربنا أداها لنا خصوصية كل حاجة، أنتي بتفصحي لمن تشائي بما تشائي، وتختاري، أنتي حرة في اختيارك كل ده اتسلب".

أردفت: "أنا شايفة أن دي سرقة بتسرق المتوفي واللي عايش، السرقة إنك تاخد حاجة مش من حقك، اللحظة والكلمة والصوت مش من حقي".