تامر أمين: كل 10 دقائق يُقتل طفل فلسطيني ولكن!
قال الإعلامي تامر أمين، إنه بالرغم من قتل طفل فلسطيني كل 10 دقائق على يد قوات الاحتلال، إلا أنه هناك رقم آخر مبشر في رأيه.
تابع "أمين" خلال تقديم برنامجه "آخر النهار"، المذاع عبر شاشة النهار: "لما الغرب يعمل قمة لبحث الأوضاع الإنسانية في غزة.. يبقى ده اسمه ضحك على الدقون، هما مكسوفين من وضعهم فبيحاولوا يعملوا أي حاجة عشان يبقى اسمهم عملوا حاجة".
أضاف: "إسرائيل زي ما بتكون بتقولهم اجتمعوا زي ما انتوا عاوزين وأنا هعمل اللي عاوزاه.. ألا وهو الإبادة الجماعية للشعب الفلسطيني".
أردف: "الإحصائيات اللي طلعت النهاردة بتقول أن كل 10 دقايق بيموت طفل في غزة بسبب القصف الوحشي الإسرائيلي، عشان كده اللي بيحصل ده مالوش أي اسم غير إنه تصفية وإبادة عرقية جماعية".
استطرد: "لكن قصاد هذا الرقم في رقم تاني يبعث على الأمل والنصر ان شاء الله، في المقابل كل نص دقيقة بيولد طفل فلسطيني.. دي قدرة الله سبحانه وتعالى ومفارقة القدر".