عمرو وردة باكيا: أنا بتعالج نفسيا

نفى اللاعب عمرو وردة، فسخ تعاقده مع نادي "فاركو"، مؤكدا أنه تواصل مع مسؤولي النادي وأكدوا له عدم صحة الخبر المتداول.

كما رد "وردة" عبر برنامج "اللعيب" مع مهيب عبد الهادي، مساء الثلاثاء، المذاع على قناة "mbc مصر"، على أزماته الأخيرة بشأن فسخ تعاقده مع أكثر من نادي خلال الفترة الماضية. قائلا إنه يٌعالج نفسيا منذ كان في الرجاء المغربي. مضيفا: "أنا واحد بتعالج نفسيا، وعندي اكتئاب بقالي فترة.. هو عشان أنا تعبان نفسيا الناس تهري؟! التعب النفسي ده أصعب حاجة في الدنيا".

أشار إلى أن المسؤولين في نادي فاركو يعرفون أنه يُعالج نفسيا ويقدرون ذلك. متسائلا حول رغبة البعض في القضاء عليه وإنهاء مسيرته الكروية وعدم عودته للمنتخب. مردفا: "ربنا موجود، أنا الحمد لله سمعتي لحد كأس العالم وبطولة أفريقيا كانت كويسة والناس بتتكلم عليا بالخير.. حسبي الله ونعم الوكيل، أنا همشي من البلد لو الناس عايزة تخلص عليا وملعبش كورة تاني، أنا بتعب نفسيا وبيجيلي بانك أتاك من ساعة المشكلة اللي حصلت لي".

بكى عمرو وردة خلال حديثه عن نشر شائعات حول فسخ تعاقده مع فاركو. متابعا: "لو حصل غلط مني وأنا صغير، فأنا آسف واعتذرت قبل كده. ربنا بيسامح الناس لازم يكون عندها ضمير. أنا من عيلة محترمة، وعايز أهلي يبقوا فخورين بيا تاني".

تابع: "أنا هدفي أرجع أوروبا تاني والمنتخب، لو مش عايزيني ألعب كورة تاني والله ما هلعب لو مش عايزين.. أنا بحلم أرجع المنتخب تاني، بلعب المنتخب وأنا صغير، وبحلم أرجع وأنا مبشحتش على الهوا لكن حلمي أرجع المنتخب تاني، بس عايز الناس تقف جنبي".

أكد أن انتهاء عقده مع نادي الرجاء، يعود إلى أنه كان مريضا ودخل المستشفى هناك، لذلك احترمت إدارة النادي وضعه وقررت فسخ التعاقد. مشيرا: "أنا بقيت بتهته، وعندي 30 سنة لسه قدامي مستقبل.. أنا عارف أن ربنا لما بيبتلي حد بيحبه، ربنا بيستر الناس، إن الله غفور رحيم".

أشار إلى أنه ارتكب أخطاء لكنه كان صغيرا في السن، لكن حاليا هو يحتاج إلى استكمال حياته. متابعا: "حسبي الله ونعم الوكيل في أي حد معندوش ضمير يقعد يكتب عن عمرو وردة عشان يضيع مستقبله".

نرشح لك: تبدأ من 30 جنيه.. أسعار تذاكر مباراة منتخب مصر وجيبوتي