رمضان عبد المعز يوضح أسباب الابتلاءات

كشف الشيخ رمضان عبد المعز عن أسباب الابتلاءات التي تصيب الإنسان، موضحا أن الابتلاءات تكون مؤشرات لأمور أخرى.

تابع "عبد المعز" عبر برنامج "لعلهم يفقهون" على شاشة dmc: "لو الإنسان في محنة ممكن يكون من أنفسنا وممكن يكون مش من أنفسنا علشان الناس الطيبين الصالحين، اللي بيجلدوا ذاتهم، نقوله لاء مش بالضرورة يكون الابتلاء علشان تفوق من ذنب مثلا، ممكن يكون الابتلاء ربنا بيرفع درجتك".

نرشح لك: تفاصيل ضوابط الحج السياحي في 2024

استكمل: "لو الإنسان في أزمة ممكن يكون خطأه فربنا سبحانه وتعالى بيفوقه وبيعلمه، طيب نفترض الإنسان ده ولي من أولياء الله الصالحين مغلطش في حاجة مثلا، ليه بيبتلى؟ ممكن يكون ربنا بيرفع درجته عنده".

ذكر: "زي أيوب عليه الصلاة والسلام، ربنا بيثني عليه في القرآن وبيقول عبدنا، ابتلي بالضر، ليه؟ مش لأن أيوب أخطأ لا سمح الله أو أذنب ذنبا فربنا بيبتليه علشان يرجعه، لاء، ابتلاء من ربنا بيرفع بيه درجة العبد".

أردف: "فيه أسباب أخرى كتير، مثلا أن يكون الإنسان كويس بس جاله منح، وإن العطايا على متن البلايا، فقبل ما بتجيله المنحة، بتجيله شوية بلايا"، مختتما أن المؤمن يسعى دائما لإصلاح نفسه.