تامر أمين ينتقد فكرة "الجمعة السوداء"

انتقد الإعلامي تامر أمين، فكرة خصومات الجمعة السوداء التي تقام في شهر نوفمبر من كل عام في أغلب أنحاء العالم.

قال "أمين" خلال تقديمه برنامج "آخر النهار":لو تلاحظوا في موضوع خصومات الجمعة السوداء ده.. مفيش أي حاجة بتيجي من الغرب تسر القلب، حتى التنزيلات يوم ما نقلوهالنا جابوهالنا سودة.. إلهي تكون جمعة سودة فوق الظالم والمعتدي والمتحيز".

نرشح لك: شاهد.. بكاء محمود حميدة خلال إلقائه قصيدة عن فلسطين

أضاف: "المفروض انها حاجة حلوة لما تعمل خصم والناس تقدر تشتري سلعة كان نفسها فيها لما ينزل عليها خصم معين، ليه بقا الحاجة الحلوة نسميها سودة؟".

أردف: "حتى بعض المحلات في مصر من كتر ما التسمية مش عجباهم خلوها الجمعة البيضاء بدل السودة، وده من عندنا كده بيننا وبين بعض يعني زي ما بنمصر الحاجات والمسميات".

استطرد: "إمبارح كان في ضرب في المولات.. وصل مرحلة في بعض المحلات كان فيها ضرب من كتر الزحمة والتهافت على السلع".

تامر أمين الجمعة السوداء برنامج آخر النهار