رانيا يوسف: بحب ربنا جدا
قالت الفنانة رانيا يوسف، إنها لن ترتدي الحجاب مستقبلا، وذلك طبقا لقناعاتها الشخصية حول موضوع الحجاب. رافضة التعليق حول هل الحجاب فرض أم لا.
قالت "يوسف" خلال لقاء مع برنامج "كتاب الشهرة"، المذاع عبر شاشة "الجديد" اللبنانية: "ميتهيأليش إني في يوم من الأيام ممكن أتحجب، مبحبش أحكم على حد من لبسه، وبالنسبالي الطرحة لا هتقللني ولا هتزودني".
نرشح لك: نادية عمارة تكشف حالات جواز أداء العمرة عن الحي
تابعت: "الواحد بيتحجب بأفكاره ومعتقداته مش بالطرحة، الحجاب مش من أفكاري". كما رفضت التعليق حول تعارض رأيها مع فرضية الحجاب في الدين الإسلامي، موضحة أنها لن تدخل في هذا الأمر فهي تتحدث عن رأيها الشخصي فقط. مردفة: "أنا مبفتيش ومبتكلمش في الدين أو السياسة، أنا ليا حالي وحال بناتي، غير كده ماليش دخل بحياة حد".
في سياق آخر، قالت: "هو ليه ارتباطنا بربنا لازم يكون مرتبط بالخوف؟! ليه طول الوقت عايشين في خوف، هو مينفعش أحبه من غير ما أخاف؟ أنا قولت أنا مبخافش من ربنا أنا بحب ربنا.. ليه حبي لربي يرتبط بالخوف؟ ده ربنا اسمه الرحمن الرحيم مفيش أحن منه على البشر.. ليه لازم سياسة العذاب والخوف؟".
وبسؤالها حول تفكيرها في الإلحاد يوما ما، قالت: "لأ، أعوذ بالله أبدا أبدا.. بحب ربنا جدا".