نجوى إبراهيم تعلن تعافيها من السرطان
أعلنت الإعلامية نجوى إبراهيم تعافيها من مرض السرطان، موضحة أنها أعلنت إصابتها منذ أسبوعين ولكنها مريضة منذ 5 شهور.
قالت "إبراهيم" خلال برنامجها "بيت العز" عبر نجوم إف إم، إنها تشكر كل الجمهور الذي دعمها خلال فترة مرضها، مؤكدة على حبها للجمهور واعتزازها به.
أردفت: "أنا بحبكم من قلبي وبعزكم، إنتوا الجمهور اللي بدأت معاه من أيام ما كنت شبر ونص لغاية ما بقيت مترين، هبتدي النهاردة حياتي معاكم، كوجه جديد معاكم النهاردة ماما نجوى".
يشار أنه قبل نحو أسبوعين كانت نجوى إبراهيم قد أعربت عن استيائها الشديد من الانتقادات التي طالتها مؤخرًا، عبر منصات التواصل الاجتماعي، وخروج مطالبات من قبل البعض بشأن اعتزالها.
وقالت: «أول مرة أقرأ كومنتات كتير نزلت، يا نهار أبيض على الكلام اللي اتقال، أكتر من ربع التعليقات تحمل حالات غريبة، لازم تروحوا تتعالجوا، أنتم طيب عاوزني أعتزل ولا إيه؟ طب ما ضروري الواحد هيعتزل، هو أنا هفضل طول العمر أكلمكم؟!».
وتساءلت بقولها: «إيه اللي يريحكوا، أعتزل؟ قولوا لي؟.. إيه اللي يريحكم كمان؟.. أنا عندي 80 سنة وغلبانة وعيانة وعاملة 7 آلاف عملية وعندي سرطان وهعتزل وهموت قريب، إيه اللي يفرحكم؟ مفيش حاجة حلوة تفرحكم؟ هدوا نفسكم والنبي، مش عشاني، أنا جاية فرحانة بيكم ومبسوطة وبتشرف بالكلام معاكم، حبوا بعض شوية».