محسن منصور يكشف تفاصيل إيفيه "سلنكاتيه" من "حرامية في تايلاند"
قال الفنان محسن منصور، إن مشاركته في فيلم "حرامية في تايلاند" كانت بسبب صديقه الفنان ماجد الكدواني، مشيرا إلى أن إيفيه "سلنكاتيه" كان سببا في زيادة مساحة دوره.
تابع خلال لقائه مع الإعلامية إسعاد يونس في برنامج "صاحبة السعادة": "لما روحت لماجد التصوير وادوني الدور في الفيلم بسببه، ادوني ورقة وبسأله هو فين الدور قالي هو ده الدور.. كان سؤال بس (هتلعب؟ لأ.. طب هتاكل؟) كان دور على الهوا وصاحبه اعتذر".
نرشح لك: رمضان 2024.. أبطال مسلسل "حق عرب" لـ أحمد العوضي
أضاف: "وقت تصوير المشهد قلت كلمة سلنكاتيه، لقيت ساندرا نشأت بتسألني الكلمة دي يعني إيه، قالتلي يعني عيب؟ قلتلها لا ده كلام عادي ملوش أي معنى".
أردف: "بعدها قالتلهم محسن دوره يكبر، وبدل ما كنت هاخد ٢٠٠ جنيه خدت ألف جنيه.. مكنتش مصدق، طلعت لماجد بعدها هزرت معاه قلتله أنت ماضي على كام الفيلم ده".
"حرامية في تايلاند" بطولة كريم عبدالعزيز، حنان ترك، ماجد الكدواني، ولطفي لبيب، وهو من تأليف نبيل أمين واخراج ساندرا نشأت.