كواليس القميص المتكرر لـ عماد رشاد

يحتفظ العديد من الفنانين بملابس الشخصيات التي يقدمونها طوال مسيرتهم الفنية، ويعتبرونها جزءا لا يتجزأ منها، وإحدى أدواتهم وضمن رصيدهم الفني الذي قد يكون إرث يعرض في متحف رموز الفن المصري فيما بعد.

وأثار ظهور الفنان عماد رشاد، في الحلقة السادسة عشر من مسلسل "زينهم" جدلا واسعا عبر مواقع التواصل الاجتماعي، إذ لاحظ متابعو المسلسل ظهوره بقميص ارتداه من قبل في مسلسل "العطار والسبع بنات".

نرشح لك: أمينة شلباية ممثلة لأول مرة في فيلم "ليه تعيشها لوحدك"

قال الفنان عماد رشاد في تصريحات خاصة لـ إعلام دوت كوم إن الفنان له أدواته ومن ضمنها الملابس، لافتا إلى أنه يشتري ملابس بكميات كبيرة لتصوير الأعمال الفنية ولا يرتديها بعد ذلك فيحتفظ بها، ومن ثم يستعين بها مرة أخرى إذا احتاجها.

أضاف: "أنا عارف أن الهدوم دي رصيد في شغلي، بخلص شغل بيها وبتروح المغسلة وترجع تتحط في أكياس بلاسيتك وتتشال في أوضة عندي للملابس وبعد زمن لما أشوف القميص ده ينفع اليومين دول باخده أصور بيه دي ميزة مش عيب".

أشار: "دي أدواتي اللي بشتغل بيها زي شكلي وشعري وجسمي، محدش فكر السنين دي كلها أن جسمي زي ما هو دي برضو من أدواتي أنا عندي حاجات أقدم من القميص ده واتلبست في حياتي كلها 3 مرات بالكتير حاجات بقالها 20 و25 سنة ولسه زي ما هي مقاسي وعندي أحذية فوق العشرين سنة".

تابع: "مش معنى إني اشتري بدلة بـ 6 آلاف جنيه ألبسها مشهد وأرميها، لا هشيلها وألبسها في فترة تانية، حتى الهدوم اللي اتبهدلت أو دابت من الركنة مش برميها ممكن يجي لي دور محتاج قميص بهتان دور واحد غلبان يبقى عندي.. الأستاذ فريد شوقي الله يرحمه كان عنده هدوم بقالها 40 سنة وكان بيشيلها في مخازن وبيقول ممكن أحتاجها، ممكن أحتاج بدلة ضيقة عليا أو بدلة موديل سنة 50".

وعن تعليقات الجمهور عبر وسائل التواصل الاجتماعي، قال: "شيء أسعدني أن الناس خدت بالها معنى كده أني راجل محافظ على هدومي وبصرف على شغلي والتعليقات خفة دم المصريين، ده شيء عادي".